Գարուն_ա,_ձուն_ա_արել_(Կոմիտաս)

Garun a (Springtime), w wykonaniu Serja Tankiana.

Կոմիտաս
Գարուն ա, ձուն ա արել,
Վա՜յ, լե, լե, վա՜յ, լե, լե,
Վա՜յ լե, լե, լե,

Իմ յարն ինձնից ա սառել:
Ա՜խ, չորնա, վա՜խ, ա՜յ յար,
Չար մարդու լեզուն:

Քամին փչում ա պաղ-պաղ,
Լերդ ու թոքս անում ա դաղ:

Յա՛ր, ինձ բեմուրադ արիր,-
Սերըդ ինձնե զատ արիր:

 

System Of A Down-ը համերգ կտա Երևանում

Ապրիլի 23-ին` Հայոց Ցեղասպանության 100-ամյա տարելիցի նախօրեին, խումբը բացօթյա համերգ կտա Երևանում` Հանրապետության հրապարակում: Համերգային շրջագայությունը կանցկացվի Wake up the souls (արթնացրեք հոգիները) խորագրով:

 http://www.panarmenian.net/arm/news/185109/

Քրիստոս յարեաւ ի մեռելոց…Օրհնեալ է Յարութիւնն Քրիստոսի. Շնորհաւոր Սուրբ Զատիկ

Այսօր Սուրբ Զատիկն է` Քրիստոնեական Եկեղեցու մեծագույն տոներից մեկը: Տոնը խորհրդանշում է Հիսուս Քրիստոսի հարությունը: Սուրբ զատիկն այլ կերպ անվանում են նաև <Հրաշափառ հարության տոն>: Զատիկ նշանակում է զատում, բաժանում, հեռացում մեղքերից, վերադարձ առ Աստված:
Հայաստանում ընդունված է այս օրը եկեղեցի գնալ, շնորհավորել իրար, եկեղեցուց մոմի կրակ բերել և տանը մոմ վառել, ներկել Զատկի ձվեր, եփել չամիչով փլավ:

Ավանդությունից հայտնի է, որ Մարիամ Մագդաղենացին Զատկի տոնին Հռոմում ներկած ձու Է նվիրել Տիբերիոս կայսրին և ասել. <Քրիստոս յարեաւ ի մեռելոց>: Ձուն օրինակն է ամբողջ աշխարհի. վերին կեղևն օրինակն է երկնքի, թաղանթը` օդի, սպիտակուցը` ջրի, իսկ դեղնուցը` երկրի: Ձուն կարմիր ներկելով` հայտնում ենք, որ ամբողջ աշխարհը ՝Քրիստոսի Արյամբ գնվեց, և դրանով քարոզում մեր փրկությունը: Ձուն նաև Հույսն Է խորհրդանշում, քանզի տակավին ձու է, դեռևս ձագ չէ: Հարության օրը ձուն ներկում ենք արյան գույնի` դրանով ասելով Տիրոջը. <<Տե՛ր, Քո հարության զորությամբ հավաքի՛ր մեզ իբրև ձագուկների Քո ամենաընդգրկուն թևերի տակ>>

Աղոթքով և օրհնությամբ` Տաճատ աբեղա Ծատուրյան Լեհահայոց Հոգևոր Հովիվ

Սիրելի՛ հայորդիներ,
Սուրբ Ծննդյան տոնակատարություններն ավարտվեցին:
Որպես լեհահայոց հոգևոր հովիվ` հունվարի 6-ից մինչև 15-ը Հայ Առաքելական Եկեղեցու ծեսով Սուրբ Ծննդյան Պատարագ մատուցեցինք և Ջրօրհնեքի կարգ կատարեցինք Լեհաստանի տասը հայաշատ քաղաքներում` Վարշավայում, Լոձում, Շչեչինում, Գդանսկում, Պուլավիում, Պլոցկում, Կրակովում, Կիելցեում, Կատովիցեում և Պոզնանում:
Ուրախությամբ պիտի արձանագրենք, որ հունվարի 9-ին` Սուրբ Պատարագի ավարտին, Գդանսկի հայկական դպրոցում ներկա գտնվեցինք դպրոցի սաների կազմակերպած միջոցառմանը` նվիրված Սուրբ Ծննդյան տոնին, որի համար Մեր հայրական օրհնությունն ենք բերել և բերում դպրոցի ուսուցչուհիներին, ինչպես նաև սաներին ու նրանց ծնողներին:
«Փա՜ռք Քեզ, Աստվա՛ծ, փա՜ռք Քեզ, ամեն ինչի համար, Տե՛ր, փա՜ռք Քեզ»:
Փառք ենք տալիս Աստծուն, որ անցած տասն օրերին Լեհաստանի վերոհիշյալ քաղաքների եկեղեցիները լեցուն էին բազմաթիվ հայ հավատացյալներով, որ եկել էին` մեկ լեզվով` հայերենով, միասնաբար աղոթելու և մեր Տիրոջ` Հիսուս Քրիստոսի Սուրբ Ծննդյան օրհնությամբ լցվելու և Սուրբ Մյուռոնով օրհնված ջուր իրենց հետ տուն տանելու:
Սուրբ Մյուռոնը, սիրելինե՛ր, այն Սուրբ Յուղն է, որ օրհնվում է Ամենայն Հայոց Կաթողիկոսի կողմից, յոթ տարին մեկ անգամ, Հայ Առաքելական Սուրբ Եկեղեցու ծննդավայրում` Մայր Աթոռ Սուրբ Էջմիածնում, և միայն ու միայն բաշխվում է համայն աշխարհի Հայ Առաքելական Եկեղեցու թեմերին: Հարկ ենք համարում ընդգծել, որ Հայ Առաքելական Եկեղեցու հոգևորականներից բացի Սուրբ Էջմիածնից որևէ այլ եկեղեցու հոգևորականի Սուրբ Մյուռոն չի տրվում:
Ահա, հենց այդ Սուրբ Մյուռոնով է, որ այստեղ` Լեհաստանի տասը հայաշատ քաղաքներում, ջուրն օրհնեցինք ու բաժանեցինք մեր հավատացյալներին, որպեսզի այն հավատքով խմողները հոգու և մարմնի առողջություն ընդունեն Աստծուց:
Այսօր և հանապազ աղոթում ենք, որպեսզի Աստված Լեհաստանում բնակվող մեր ժողովրդի սրտի, հոգու և մտքի մեջ մշտապես արթուն ու ծաղկուն պահի հավատքն ու գիտակցությունը, որպեսզի երբեք մեր ազգը չխոտորվի ու չհեռանա իր հոգևոր Հայրենիքից` Հայ Առաքելական Սուրբ Եկեղեցուց, և, իհարկե, իր մարմնավոր Հայրենիքից` իրեն հզոր գեն ու փորձառու կյանք պարգևող Հայոց լեռնաշխարհից:
Թող որ աստվածային օրհնությամբ սկսվի և ավարտվի Լեհաստանում բնակվող ամեն մի հայի օրը, և թող Աստված խաղաղ և անփորձանք պահի ու պահպանի Լեհաստանում բնակվող մեր ժողովրդին:

Քրիստոս ծնաւ եւ յայտնեցաւ:
Ձեզ եւ մեզ մեծ աւետիս:

Աղոթքով և օրհնությամբ`
Տաճատ աբեղա Ծատուրյան
Լեհահայոց Հոգևոր Հովիվ

1 2 3 4 5 6 7 11